പുതിയ വാർത്തകൾ വായിക്കുക ! നിങ്ങളുടെ അഭിപ്രായങ്ങൾ മെയിൽ ചെയ്യുക! പ്രബോധനം ഫെബ്രുവരി ലക്കം വായിക്കുവാൻ ക്ളോക്കിനു താഴെയുള്ള കറൻറ് ഇഷ്യൂ ക്ലിക്ക് ചെയ്യുക

പാസ്റ്റർ ടി എസ് ഏബ്രഹാം ,പാസ്റ്റർ കെ എം ജോസഫ് എന്നിവർക്കെതിരെ തൃശൂർ ആൽപ്പാറ സഭാംഗം കെ എം ദാനിയേൽ കൊടുത്ത കേസ്സിൽ ഐപിസി നേതാക്കൾക്ക് അനുകൂലമായ വിധി

പാസ്റ്റർ ടി എസ് ഏബ്രഹാം ,പാസ്റ്റർ കെ എം ജോസഫ് എന്നിവർക്കെതിരെ തൃശൂർ ആൽപ്പാറ സഭാംഗം കെ എം ദാനിയേൽ കൊടുത്ത കേസ്സിൽ ഐപിസി നേതാക്കൾക്ക് അനുകൂലമായ വിധി. 24  നു ബഹു .തൃശൂർ  2 nd  ജുഡീഷ്യൽ മജിസ്‌ട്രേറ്റ് കോടതിയാണ് കേസ് തള്ളിക്കളഞ്ഞത് . 2005 ൽ വാദിയായ കെ എം ദാനിയേലിനൊപ്പം കെ പി കുര്യന് വേണ്ടി അയാളോടൊപ്പം തൃശൂരിൽ നിന്നും വന്ന നാലുപേർക്കൊപ്പം ദാനിയേലും അടിയന്തിര ജനറൽ കൗൺസിൽ കൂടിക്കൊണ്ടിരിക്കുമ്പോൾ അതിക്രമിച്ചു ഹാളിൽ കയറി എന്ന് കാണിച്ചു മാധ്യമങ്ങളിൽ വാർത്ത വന്നതിനെതിരെയാണ്  ഡാനിയേൽ സഭാ ഞെതാക്കൾക്കെതിരെ ക്രിമിനൽ കേസ് ഫയൽ ചെയ്തത് . കഴിഞ്ഞ പന്ത്രണ്ടിലധികം വർഷമായി കേസ് തുടരുകയായിരുന്നു . ഐപിസിയിലെ ഏറ്റവും പഴക്കമുള്ള കേസാണിത് എന്ന് പറയാം . ഇരു കക്ഷികളുടെയും അഭിഭാഷകരുടെ വാദം കേൾക്കുകയും പ്രസ്തുത കോടതി കേസ് തള്ളിക്കളയുകയുമായിരുന്നു എന്ന് കേസുമായി ബന്ധപ്പെട്ടവർ പ്രബോധനത്തോട് പറഞ്ഞു.

കേസുകൾ രമ്യതയിലെത്താൻ പല ഉപാധികൾ വാദിഭാഗം വച്ചെങ്കിലും അതെല്ലാം സഭ സാധ്യമാക്കിയെന്നും ഒടുവിൽ കേസ് പിൻ വലിക്കാം എന്ന തീരുമാനത്തിൽ നിന്നും വാദി പിന്മാറുകയായിരുന്നുവെന്നും ബന്ധപ്പെട്ടവർ പറയുന്നു . ഒടുക്കം ദൈവം ഐപിസി നേതാക്കന്മാരുടെ കൂടെ ഒപ്പം നിൽക്കുന്നു എന്നും സത്യം വിജയിച്ചുവെന്നും കേസിലെ പ്രതികൾ ആയിരുന്നവരിൽ പ്രായം ചെന്ന ആദരണീയ ദൈവദാസന്മാരാ യ ആദരണീയ  പാസ്റ്റർ ടി എസ് എബ്രഹാം പാസ്റ്റർ കെ എം ജോസഫ് എന്നിവർക്കുവേണ്ടി കേസിൻറെ  ചുമതല ഏറ്റെടുത്തു നടത്തിയ പാസ്റ്റർ കെ സി വർഗ്ഗീസ് ( കൂട്ടാല കൈതമംഗലം  കുഞ്ഞുമോൻ ) പ്രബോധനത്തോട് പറഞ്ഞു. . കേസിൻറെ  വിധിപ്പകർപ്പു കിട്ടിയശേഷം കൂടുതൽ വാർത്തകൾ പ്രതീക്ഷിക്കാം

ഒരു അറബിക്കഥ ! ഐപിസിയെ മടക്കിക്കൊണ്ടുവരാൻ മുൻകൈ എടുത്ത പാസ്റ്റർ ഷാർജയിൽ ജോലി തേടി അലയുന്നു

ഐപിസിയെ മടക്കിക്കൊണ്ടുവരാൻ മുൻകൈ എടുത്ത പാസ്റ്റർ ഷാർജയിൽ ജോലി തേടി അലയുന്നു . കുമ്പനാട് സ്വദേശിയായ  പാസ്റ്ററുടെ മകൻ പാസ്റ്റർ ഐപിസിയിലെ  നേതാക്കളെ തെരഞ്ഞുപിടിച്ചു അനാവശ്യങ്ങൾ പറഞ്ഞും ആക്ഷേപിച്ചും സ്വന്തം നാട്ടിൽ വരാൻ കഴിയാതെ അലയുകയാണിപ്പോൾ . ഇപ്പോൾ ഐപിസിയെ മടക്കിക്കൊണ്ടുവരാൻ ഉള്ള ശ്രമത്തിൽ നിന്നും ഷാർജയിൽ ഒരു സ്റ്റോർ ലേബറായിട്ടെങ്കിലും പണി കിട്ടിയില്ലെങ്കിൽ രണ്ടു പെൺകുട്ടികളടങ്ങുന്ന കുടുംബം പട്ടിണിയിലാകും . ചാലഞ്ച് . ബീക്കോസ് എന്നീ ആംഗലേയ ഭാഷയെ ജാഡ ശൈലിയിലാക്കിയ ബിരുദമാണുള്ളത് . ഏതായാലും ഷാർജ്ജായിലുള്ളവർ സൂക്ഷിക്കുക ! മാത്രമല്ല ഷാർജയിൽ വച്ച് മുമ്പ് കൂടെ നിൽക്കുകയും പിന്നെ അകന്നുപോകുകയും ചെയ്ത ഒരു സുഹൃത്തിനെ കണ്ടപ്പോൾ കാലുകളിൽ പി ടി ഉഷയുടെ ശക്തി കയറിയെന്നും പിന്നെ അവിടൊക്കെ നോക്കിയിട്ടു കണ്ടില്ലെന്നുമാണ് ഷാർജയിൽ നിന്നും അറിഞ്ഞത് .

” നിൻറെ ആത്മാവിനെ ഒളിച്ചു ഞാൻ എവിടെ പോകും …… ഭൂമിയുടെ അറ്റത്തു ചെന്ന് പാർത്താൽ അവിടെയും ഞങ്ങൾ കാണും എന്നറിക ”. അവിടെ കിടന്നലയണ്ടാ . ഞങ്ങൾ ജോലി തരാം പ്രതികാരമൊന്നുമില്ല . ” അയ്യോ ഞാൻ സ്വർഗ്ഗത്തോടും നിങ്ങളോടും പാപം ചെയ്തു എന്ന് പറയണ്ടാ . ഞങ്ങളൊക്കെ എന്നേ  ക്ഷമിച്ചു കഴിഞ്ഞു. രണ്ടു പാവം പെൺ മക്കളെ ഞങ്ങളിൽ ചിലരെങ്കിലും ഓർക്കണ്ടേ??.അതുകൊണ്ടു ഇങ്ങു പോരെ ബീക്കോസ് പറഞ്ഞകാര്യം മനസ്സിലായിക്കാണും എന്ന് വിശ്വസിക്കുന്നു

TOYATTO സണ്ണിച്ചായൻ (81 )കർത്തൃ സന്നിധിയിൽ ചേർക്കപ്പെട്ടു.സംസ്കാരം 26 നു വെള്ളിയാഴ്ച കുമ്പനാട് നടക്കും

Adappanamkandathil M. Mathews (Toyota Sunny-81) Promoted to Glory

കുമ്പനാട് അടപ്പനാം കണ്ടത്തിൽ എം മാത്യൂസ് ( ടോയാട്ടോ സണ്ണിച്ചായൻ 81 ) കർത്തൃ സന്നിധിയിൽ ചേർക്കപ്പെട്ടു .  ഏറെ നാളായി ശാരീരിക അസ്വസ്ഥതയാൽ ഭാരപ്പെടുകയായിരുന്നു.കുവൈത്ത് മലയാളികളിൽ പ്രമുഖനും വ്യവസായിയുമായിരുന്നു ഇദ്ദേഹം. ബിസിനസ് രംഗത്തു ഒട്ടനവധി സംഭാവനകൾ കാഴ്ച വച്ച ഇദ്ദേഹം കുവൈത്ത് ഭരണകൂടത്തിനുപോലും ബഹുമാന്യനായിരുന്നു .ഭാരതത്തിലെ രാഷ്ട്രീയപാർട്ടികൾ അദ്ദേഹത്തിന് ലോകസഭയിലേക്കും രാജ്യസഭയിലേക്കും ഒക്കെ സീറ്റു വാഗ്ദാനം ചെയ്തിട്ടും അതൊക്കെ നിഷേധിച്ച വ്യക്തിയായിരുന്നുസണ്ണിച്ചായൻ എന്നാണറിവ് . കുമ്പനാട് എലീം ഐപിസി സഭാംഗമാണ് .ഐപിസിയ്ക്കു അഭിമാനമായിരുന്ന കർത്തൃദാസൻറെ  പ്രവർത്തനങ്ങൾ സ്മരണീയമാണ് . കുവൈത്തിലെ വസതിയിൽ വച്ചായിരുന്നു ഇന്ന് നാലുമണിയോടടുത്തു (20 മെയ് ) അന്ത്യം സംഭവിച്ചത് .   മെയ്  24നു കുവൈത്ത് നാഷണൽ ഇവാഞ്ചലിക്കൽ ചർച്ച്‌ ഓഫ് കുവൈറ്റ്‌ പള്ളിയിൽ പൊതുദർശനത്തിനു വക്കുകയും മെയ് 26 വെള്ളിയാഴ്ച കുമ്പനാട് കൊണ്ടുവരികയും പൊതുദർശനത്തിനു വച്ചനന്തരം എലീം ഐപിസിസെമിത്തേരിയിൽ സംസ്കാരം നടത്തുകയും ചെയ്യും  പ്രബോധനം പത്രത്തിന്റെ ദുഖവും പ്രത്യാശയും കുടുംബാംഗങ്ങളെ അറിയിക്കുന്നു

 

 

സംസ്ഥാന പി വൈ പി എ യുടെ പേരിൽ വ്യാജ പ്രസ് ക്ലബ്ബ് വാട്സ്ആപ് ഗ്രൂപ്പ്

പി വിഐപി എ യുടെ ഒദ്യോഗിക  ഭാരബാഹികൾ അറിയാതെ സംസ്ഥാന സമതി അറിയാതെയും  പി വൈ പി എ പ്രസ്സ് ക്ലബ്ബ് എന്ന പേരിൽ വാട്സാപ്പ് ഗ്രൂപ്പ് തുടങ്ങിയിരിക്കുന്നു. സംസ്ഥാനസമതിയുടെ തീരുമാനമില്ലാതെ അവരാരും അറിയാതെയാണ് ഇത്തരം കബളിപ്പിക്കലുകൾ നടത്തുന്നത്. പ്രബോധനത്തെയും ഇതിൻറെ  അഡ്മിൻ സ്‌കൈ മീഡിയ ആഡ് ചെയ്തിരുന്നു . പി വൈ പി എ സംസ്ഥാനസമതിയുടെ അറിവോടുകൂടി ആണന്നു ധരിച്ചാണി ഇതിൽ ചില നിർദ്ദേശങ്ങൾ മുന്നോട്ടു വച്ചതും പേര് നിർദ്ദേശിച്ചതും . തൂലികയുടെ ഡയറക്ടറായ ബ്രദർ ജി സാമുവേലും പ്രബോധനം പത്രാധിപരും ഇതിൽ പ്രാരംഭ അഭിപ്രായം പറഞ്ഞിരുന്നു. എന്നാൽ ഭരണസമതിക്കാർ അറിയാതെ വ്യാജ വാട്സാപ്പ് ഗ്രൂപ്പ് ഇറക്കിയത്

പി വൈ പി എ യിലെ എക്സിക്യൂട്ടീവ്സ് അറിഞ്ഞിട്ടില്ലെന്ന് വൈസ് പ്രസിഡന്റുമാരിൽ ഒരാളായ ഇവാ. അജു അലക്സ് പ്രബോധനത്തോട് പറഞ്ഞു. പി വൈ പി എ യുമായി യാതൊരു ബന്ധമില്ലാത്തയാളും   തുണ്ടു കടലാസുപോലും പ്രിന്റു ചെയ്യാത്ത പത്രക്കാരൻ എന്നും പറഞ്ഞു നടക്കുന്ന രെജിസ്ട്രേഷൻ പോലുമില്ലാത്ത പത്രത്തിൻറെ ആളാണ് എന്നും പറഞ്ഞു നടക്കുന്ന ബോബൻ ക്ളീറ്റസാണ് അഡ്മിൻ ആയിട്ട് ഇപ്പോൾകാണുന്നതു . ഇത്ര നാണംകെട്ട സംസ്കാരത്തിലേക്ക് പി വൈ പി എ അധ:പതിച്ചല്ലോ എന്നോർത്തു വ്യാകുലപ്പെടുന്നു  അതുകൊണ്ടു പ്രബോധനം ഈ ഗ്രൂപ്പിൽ നിന്നും വിട്ടു നിൽക്കുന്നു

A V S ഗ്രൂപ്പിൻറെ തിരുവല്ലയിലെ മൂന്നാമത്തെ ഫ്‌ളാറ്റ് സമുച്ചയം മെയ് 21 നു ഉത്‌ഘാടനം ചെയ്യും

A V S ഗ്രൂപ്പിൻറെ തിരുവല്ലയിലെ മൂന്നാമത്തെ ഫ്‌ളാറ്റ് സമുച്ചയം മെയ് 21 നു  ഉത്‌ഘാടനം ചെയ്യും. ഞായറാഴ്ച വൈകിട്ട് നടക്കുന്ന ചടങ്ങിൽ ബഹുമാനപ്പെട്ട രാജ്യസഭാ ഉപാധ്യക്ഷൻ ശ്രീ പി ജെ കുര്യൻ ഉത്‌ഘാടനം ചെയ്യും.മന്ത്രിമാർ ഉപ്പടെയുള്ളവരും രാഷ്ട്രീയ സാമൂഹിക സാംസ്കാരിക സഭാ തലത്തിലുള്ള നിരവധി പ്രമുഖ വ്യക്തികൾ  പ്രസംഗിക്കും. ഏറെ വിവാദങ്ങളുയർത്തി തിരുവല്ല പട്ടണത്തോടടുത്തു തിരുവല്ലാ കുമ്പനാട് റോഡിനോട് ചേർന്ന്  മഞ്ഞാടിയിൽ പണിത ഫ്‌ളാറ്റുകളാണ് ബുക്ക് ചെയ്ത ഉടമസ്ഥർക്ക് കൈമാറുന്നത് . 12നിലകളിലായി 80 ഫ്‌ളാറ്റുകളാണ് നിർമ്മാണം പൂർത്തിയാക്കി ഉടനസ്ഥർക്കു കൈമാറുന്നത് .ഏറെ കോളിളക്കം സൃഷ്ടിച്ചു  വാർത്താ പ്രാധാന്യം കൊടുത്ത് A V S ഗ്രൂപ്പ് ഉടമ സുധി കല്ലുങ്കലിനെ അപകീർത്തിപ്പെടുത്തുന്ന നിലയിലായിരുന്നു എതിരാളികളുടെ പ്രവർത്തനം നടന്നിരുന്നത്. വ്യാജ വാർത്തയിലൂടെ ഇടപാടുകാരെ തെറ്റിദ്ധരിപ്പിച്ചു വൻ മുതൽമുടക്കുള്ള ഈ സംരംഭം ഇല്ലായ്മ ചെയ്യാനാണ് ശ്രമിച്ചത്.ഉറച്ച ദൈവാശ്രയത്തിന്റെയും പ്രാർത്ഥനയുടെയും ഫലമാണ് പ്രതികൂലങ്ങളെ അതിജീവിക്കാൻ കഴിഞ്ഞതെന്ന് സുധി ഏബ്രഹാം പറയുന്നു .

എതിരാളികളുടെ വാദം പൊള്ളയാണെന്നും ആരോപണങ്ങൾ അടിസ്ഥാനരഹിതമാണെന്നും ബന്ധപ്പെട്ട നീതിന്യായ വകുപ്പുകൾ കണ്ടെത്തിയിരുന്നു . ഇടപാടുകാർക്ക് ഏറെ ബുദ്ധിമുട്ടുണ്ടാക്കാവുന്ന തരത്തിലായിരുന്നു എതിർ പ്രചാരണങ്ങൾ നടന്നത്. സമയ ബന്ധിതമായി പൂർത്തീകരിക്കേണ്ട നിർമ്മാണപ്രവർത്തനങ്ങൾക്കു കാലതാമസം നേരിടേണ്ടി വന്നെങ്കിലും ഒടുവിൽ പ്രതിസന്ധികളെ അതിജീവിച്ചു ഉത്‌ഘാടനച്ചടങ്ങിനൊരുങ്ങുകയാണ് തിരുവല്ലയിലെ കെട്ടിട നിർമ്മാണ രാജാക്കന്മാരായ AVS ഗ്രൂപ്പ്.

പ്രതികൂല കാലാവസ്ഥ മുന്നിൽ കണ്ടുകൊണ്ടു ഉത്‌ഘാടന സമ്മേളനം തൊട്ടടുത്തുള്ള ഇവാഞ്ചലിക്കൽ ചർച് ആഡിറ്റോറിയത്തിലേക്കു മാറ്റിയിരിക്കുന്നു വിവരവും അറിയിക്കുന്നു

വർഷകാല പ്രാർത്ഥന കുമ്പനാട് ഹെബ്രോൻ പുരത്തു ജൂൺ 6 മുതൽ നടക്കും

പ്രസിഡണ്ട്തന്നത്താൻ വരുത്തിവച്ച പ്രതിസന്ധികൾക്ക് ദൈവത്തെക്കൊണ്ടു പരിഹാരം വരുത്തിക്കാൻ നമ്മുടെ പ്രസിഡണ്ട് ജേക്കബ് ജൂൺ  ആദ്യവാരം മുതൽ പ്രാർത്ഥന നടത്തും . ഹെബ്രോനിൽ കൂടാരമടിക്കുവാൻ താല്പര്യമുള്ളതായി ഒന്നും അറിയില്ല. കാരണം വർഷകാലമാണല്ലോ മുന്നിൽ വരുന്നത് . ദാവീദ് കുഞ്ഞു മരിച്ചപ്പോൾ കരയാനിരുന്നത് നമുക്ക് ഒരു പാഠമാക്കണം . ഈ കുഞ്ഞിൻറെ  ജനനം എങ്ങനെ?. അതുപോലെ സഭയുടെ ഭരണഘടന ലംഘിച്ചു ചില കുഞ്ഞുങ്ങൾ റീജിയനായും സ്റ്റേറ്റായും , ജനറൽ കൗൺസിലിൽ അംങ്ങളായും ഒക്കെ പിറന്നുകഴിഞ്ഞു . അവയ്‌ക്കെതിരെയാണ് പ്രതിസന്ധികൾ ഉള്ളത് . മാത്രമല്ല  സഭയുടെ പണം  പാസ്റ്റർ കെ കെ ജോർജ്‌ജിനെപ്പോലുള്ളവർക്കു ആരോടും ചോദിക്കാതെ അഞ്ചു ലക്ഷം രൂപ ലോൺ കൊടുത്തതും . പ്രസിഡണ്ട് എന്ന നിലയിൽ യാത്ര ചെയ്യാതെ തന്നെ യാത്രാ ചെലവ് അഡ്വാൻസ് ആയി വാങ്ങിയതും ഒക്കെ ദൈവം അംഗീകരിക്കണമെന്നാണോ ഈ പ്രാർത്ഥന കൊണ്ട് ഉദ്ദേശിക്കുന്നത് .

ഈ ചെയ്ത ന്യായരഹിതമായ കാര്യങ്ങൾക്കു പരിഹാരം മുന്നമേ വരുത്തുക. ഏതായാലും അഞ്ചു ലക്ഷം രൂപ ലോൺ  കൊടുത്തത് പാപക്കടം എഴുതി തള്ളിയതുപോലെ എഴുതി തള്ളണം . പക്ഷെ അങ്ങനെ തള്ളാൻ ഐപിസി എന്ന സംഘടന തയ്യാറാകില്ല . വാങ്ങിയ ആൾ തരുമെന്ന് വിശാസവും വച്ചുകൊണ്ടിരിക്കണ്ടാ . പിന്നെ ഒരു കാര്യം മാത്രം . ആ പണം പ്രസിഡണ്ടുതന്നെ എത്രയും പെട്ടന്ന് ഓഫീസിൽ അടച്ചു രസീത് വാങ്ങുക .അങ്ങനെ കൈ ശുദ്ധമാക്കുക . യാത്ര ചെയ്യാതെ അതിൻറെ  പേരിൽ വാങ്ങിയ പണവും നല്ല ഒരു തുകയുണ്ട് അതും തിരികെ അടച്ചു മാതൃക കാണിക്കുക. പ്രസിഡണ്ട് സഭയ്ക്ക് വേണ്ടി പണം പിരിക്കാൻ പോയിടത്തെല്ലാം സഭയ്ക്ക് ലഭിച്ചതിനേക്കാൾ തുക അദ്ദേഹത്തിനും കിട്ടിയിട്ടുണ്ട്.

കൂടുതൽ രേഖകൾ ആവശ്യപ്പെട്ടാൽ തെളിവുകൾ നിരത്താനുണ്ട് . ഇതെല്ലാം പരിഹരിക്കുകയും അനധികൃതമായി തട്ടി ക്കൂട്ടി കൊടുത്തറീജിയനുകളും സ്റ്റേറ്റുകളും ക്യാൻസൽ ചെയ്യുക . നൂറ്റിയിരുപത്തിയാറു പേരിൽ അനധികൃത നുഴഞ്ഞുകയറ്റക്കാരെയും ഉൾപ്പെടുത്തി ഈ വ്യവസ്ഥാലംഘിത ഭരണസമിതിയും കൊണ്ട് മുന്നോട്ടു പോകുന്നതിലും നല്ലതു പഴയ നൂറ്റിയഞ്ചു പേരുള്ള സഭാ ജനറൽ ബോഡി അംഗീകരിച്ചവരുമായി മുന്നോട്ടു പോകുന്നതാണ്. അല്ലാതെ പ്രാർത്ഥിച്ചാൽ .കർമ്മേലിൽ ബാലിൻറെ പ്രവാചകന്മാർ പ്രാർത്ഥിക്കാൻ വന്നതുപോലെ മാത്രമേ ആകൂ. വചനം പറയുന്നതെന്താണ് . ” നീതിമാൻറെ പ്രാർത്ഥന വളരെ ഫലിക്കുന്നു ”എന്നല്ലേ? . നീതി ചെയ്യുക  എന്നിട്ടു പ്രാർത്ഥിക്കുക . ദൈവാൻ ചെവി ചായ്ച്ചു മറുപടി തരും . ഇല്ലെങ്കിൽ മുഖം മറച്ചു കളയും. ദൈവത്തിനു ഇഷ്ടമുള്ള ഉപവാസം എന്താണന്നു ബൈബിളിൽ പറഞ്ഞിട്ടുള്ളത് പലപ്രാവശ്യം പറഞ്ഞിട്ടുള്ളത് ഞങ്ങൾ കേട്ടിട്ടുണ്ട്. അന്നൊന്നും അദ്ദേഹം പ്രസിഡണ്ടായിരുന്നില്ല. അത് ഒന്നുകൂടി മനസിലാക്കുക

 ഇപ്പോഴത്തെ ഭരണസമിതി കേരളത്തിലെയും ജനറലിലെയും നിയമ വിരുദ്ധ സമിതിയാണ് . ഭരണഘടനയിലെ ചില തെളിവുകൾ

ഭരണഘടന ആർട്ടിക്കിൾ XI  വകുപ്പ് II വോട്ടിങ് (പേജ് 50 )

 ജനറൽ ഭാരവാഹികളുടെ തെരഞ്ഞെടുപ്പ് കുമ്പനാട് ഹെബ്രോൻ പുരത്തുവച്ചു നടത്തേണ്ടതാണ് ( അത് ഭരണഘടനപ്രകാരം നടന്നിട്ടുണ്ട് )

അടുത്തത് ശ്രദ്ധിക്കുക

(b ).ഈ ഭരണഘടനയുടെ വകുപ്പുകൾ അനുസരിച്ചു ഓരോ സ്റ്റേറ്റ് /  റീജിയനിലുമുള്ള ജനറൽ കൗൺസിൽ അംഗങ്ങളെ അതാതു സ്റ്റേറ്റ് / റീജിയൻ ജനറൽ ബോഡികളാൽ തെരഞ്ഞെടുക്കപ്പെടുന്നതാണ്

വ്യാഖ്യാനം – ഓരോ സ്റ്റേറ്റ് / റീജിയനുകളുടെയും ആസ്ഥാനം കുമ്പനാട്ടല്ല . അതാതു സ്റ്റേറ്റുകൾ സ്ഥിതി ചെയ്യുന്ന ഇടത്താണ് . എന്നാൽ കേരളത്തിൻറെ  ആസ്ഥാനം കുമ്പനാട്ടാണ് . അതുകൊണ്ടു തന്നെ ജനറൽ ബോഡിയും കുമ്പനാട് തന്നെ ആയിരിയ്ക്കണം ). അവിടെ നിന്നുമാത്രമേ ജനറൽ കൗൺസിലംഗങ്ങളെ തെരഞ്ഞെടുക്കാൻ അവകാശമുള്ളൂ . എന്നാൽ ഇത് ലംഘിക്കപ്പെട്ടു. നിയോജക മണ്ഡലത്തിലൂടെയാണ് തെരഞ്ഞെടുപ്പ് നടത്തിയത്. ഇത് ലംഘിക്കപ്പെട്ടു . അപ്രകാരം തെരഞ്ഞെടുക്കപ്പെട്ടിട്ടുള്ള ഇരുപത്തിയേഴു ജനറൽ കൗൺസിലംഗങ്ങളും അയോഗ്യരാണ് . അതിൽ ജനറൽ ഭാരവാഹികളായ മൂന്നുപേരുണ്ട് )

2 . സ്റ്റേറ്റ് / റീജിയൻ കൗൺസിൽ

(a ). ആവശ്യമെന്നു വന്നാൽ ഓരോസ്റ്റേറ്റ്  / റീജിയനെയും തെരഞ്ഞെടുപ്പിൻറെ  സൗകര്യാർത്ഥം പല നിയോജക മണ്ഡലങ്ങളായി വിഭജിക്കുന്നതിനു അതാത് സ്റ്റേറ്റ് / റീജിയൻ കൗൺസിലുകൾക്കു സ്വാതന്ത്ര്യം ഉണ്ടായിരിക്കുന്നതാണ്

( b ). സ്റ്റേറ്റ് / റീജിയൻ കാര്യനിർവ്വാഹകസമിതി അതായത് പ്രസിഡണ്ട് , വൈസ് പ്രസിഡണ്ട്, സെക്രട്ടറി, ജോറ്റിന്റ  സെക്രട്ടറി , ഖജാൻജി എന്നിവരെ സ്റ്റേറ്റ്  റീജിയൻ ജനറൽ ബോഡി തിരഞ്ഞെടുക്കുന്നതാണ്

( പക്ഷെ ഇവിടെ ലംഘനമാണ് നടത്തിയത് . കാരണം ജനറൽ ബോഡിയിലല്ല ഭാരവാഹികളെ തെരഞ്ഞെടുത്തത് . നിയോജക മണ്ഡലത്തിലാണ്‌ തെരഞ്ഞെടുത്തിട്ടുള്ളത്. അതുകൊണ്ടു കേരളാ സംസ്ഥാന ഭാരവാഹികൾ അയോഗ്യരാണ് )

(c ).സ്റ്റേറ്റ് / റീജിയൻ കൗൺസിലുകളിലേക്കുള്ള അംഗങ്ങൾ സ്റ്റേറ്റ് / റീജിയനിൽ വച്ച് സ്റ്റേറ്റ് / റീജിയൻ ജനറൽ ബോഡിയിലോ നിയോജകമണ്ഡലങ്ങളിൽ നിന്നോ തെരഞ്ഞെടുപ്പ് പ്രഖ്യാപന സമിതിയുടെ തീരുമാനത്തിനനുസരിച്ചു തെരഞ്ഞെടുക്കപ്പെടുന്നതാണ് .

( ഇതിൻറെ  അർത്ഥം ജനറൽ ബോഡിയും നിയോജക മണ്ഡലത്തിലെ തെരഞ്ഞെടുപ്പും രണ്ടും രണ്ടാണ്. വോട്ടെടുപ്പ് നടന്നതിനുശേഷം വോട്ടെണ്ണൽ വരെ ജനറൽ ബോഡിയാണന്നു പറഞ്ഞാൽ അതിനു വിവരക്കേടെന്നല്ലാതെ പിന്നെന്താണ് പറയേണ്ടത് )

മുകളിലെ പ്രതിപാദ്യ വിഷയം ആർക്കും മനസിലാകുന്നതാണ് . അത്രയ്ക്ക് ലളിതമാണ് ഭരണഘടന പറഞ്ഞിട്ടുള്ളത് . അങ്ങനെയെങ്കിൽ കേരളത്തിൽ നിന്നും തെരഞ്ഞെടുക്കപ്പെട്ടിട്ടുള്ള ഇരുപത്തിയേഴുപേർ ജനറൽ കൗൺസിലിൽ അയോഗ്യരാകും ഒപ്പം കേരളത്തിൽ നിന്നുള്ള ഭാരവാഹികളും  . സെക്രട്ടറി പാസ്റ്റർ കെ സി ജോൺ , കോയിൻറ് സെക്രട്ടറി പാസ്റ്റർ തോമസ് ഫിലിപ് ട്രഷറർ ബ്രദർ സജി പോൾ തുടങ്ങി മുഴുവൻ കൗൺസിലംഗങ്ങളും അയോഗ്യരാണ്.. അങ്ങനെ വരുമ്പോൾ ജനറൽ ഭാരവാഹികളിൽ അഞ്ചിൽ മൂന്നുപേർ പുറത്താകുന്ന സ്ഥിതിക്ക് ബാക്കി വരുന്ന പ്രസിഡണ്ടും വൈസ് പ്രസിഡണ്ടും പുറത്തുപോകും .സഭ സമതി ഇല്ലാതാകും. പുതിയ തെരഞ്ഞെടുപ്പ് നടത്തണം . നാളിതുവരെ എടുത്ത എല്ലാ തീരുമാനങ്ങളും ആസാധുവാകും  . ഈ നിയമലംഘനത്തിനെതിരെ പ്രാർത്ഥിച്ചാൽ വല്ല പ്രയോജനവുമുണ്ടോ?  ദൈവരാജ്യത്തിൽ കടക്കാത്തവരെക്കുറിച്ചു റോമാലേഖനത്തിൽ പറഞ്ഞിരിക്കുന്നതുപോലെ നിയമലംഘികളും ദൈവരാജ്യത്തിൽ പ്രവേശിക്കുകയില്ല (റോമാർ .1 29 ). അങ്ങനെയെങ്കിൽ പാപികളുടെ പ്രാർത്ഥന ദൈവം കേൾക്കികയില്ല

കേരളത്തിൽ നിന്നുള്ള ഭരണക്കാരും തെരഞ്ഞെടുപ്പ് ലംഘനം നിമിത്തം അയോഗ്യരാണ് . അവരുടെ തീരുമാനങ്ങളും അസാധുവായി പരിഗണിക്കപ്പെടും . ഇതിനൊന്നും പ്രാർത്ഥന മറുമരുന്നല്ല

ഐപിസിയിലെ സഭാ നേതാക്കന്മാർക്കെതിരെ അമേരിക്കൻ പ്രസിഡന്റിനും ഇമിഗ്രെഷൻ വിഭാഗത്തിനും പരാതിയുമായി ചിലർ രംഗത്തു

ഐപിസിയിലെ സഭാ നേതാക്കന്മാർക്കെതിരെ അമേരിക്കൻ പ്രസിഡന്റിനും ഇമിഗ്രെഷൻ വിഭാഗത്തിനും പരാതിയുമായി ചിലർ രംഗത്തുഎത്തിയതായും പരാതി അയച്ചതായും വാർത്ത പരക്കുന്നു. പാസ്റ്റർ ജേക്കബ് ജോൺ , പാസ്റ്റർ കെ സി ജോൺ , ബ്രദർ സജി പോൾ എന്നിവർക്കെതിരെയാണ് പരാതി അയച്ചതെന്ന് പറ്യുന്ന വാട്സാപ്പ് വാർത്തകളാണ് പ്രചരിപ്പിക്കുന്നത്. അമേരിക്കൻ പര്യടനത്തിലൂടെ സഭയുടെ പേരിൽ പതിനേഴു കോടി രൂപ പിരിച്ചുവെന്നാണ് ആക്ഷേപം ഉന്നയിച്ചിട്ടുള്ളത്. അമേരിക്കൻ ടാക്സ് നിയമം ലംഘിച്ചാണ് പണപ്പിരിവ് നടത്തിയതെന്നും പരാതിയിൽ ആരോപിച്ചിട്ടുണ്ട്. പരാതിക്കാരനെ  പേര് വെളിപ്പെടുത്താതെയുള്ള മെസേജാണ് പ്രചരിപ്പിക്കുന്നത്. മുകളിൽ പറഞ്ഞ ഭാരവാഹികളുടെ പാസ്പോർട്ട് നമ്പർ സഹിതമാണ് വാർത്തയിറക്കിയിട്ടുള്ളത്.

ഇതിന്നിടയിൽ പാസ്റ്റർ ജേക്കബ് ജോൺ പറഞ്ഞതനുസരിച്ചു ജനറൽ കൗൺസിൽ ഓഫീസിൽ നിന്നും അദ്ദേഹത്തിന്റെ  കടുത്ത നിർബ്ബന്ധപൂർവ്വം ഐപിസിയുടെ വിദേശത്തുള്ള മുഴുവൻ റീജിയൻ പ്രസിഡന്റുമാർക്കും  ജനറൽ കൗൺസിലിലെ വിദേശ കൗൺസിലംഗങ്ങൾക്കും അദ്ദേഹത്തിന്റെ  പാസ്പ്പോർട്ടിന്റെ  കോപ്പിയും അടുത്തകാലത്തെടുത്ത ഫോട്ടോയും അയച്ചു കൊടുത്തതും ആവശ്യക്കാർക്ക് വിഷാദശാംശങ്ങൾ അറിയാൻ സഹായിച്ചു. വിദേശത്ത്ള്ളവർ അദ്ദേഹത്തിന് വീസാ എടുക്കാൻ കാത്തരിക്കയാണെന്നും അതുകൊണ്ടാണ് അയക്കേണ്ടതെന്നുമായിരുന്നു നിർദ്ദേശം പോലും . ഏതായാലും ഈ വിഷയവും പ്രധാന വിഷയമായി ഉപവാസത്തിൽ വയ്ക്കണം.

പാസ്റ്റർ ജേക്കബ് ജോൺ കുമ്പനാട് വീണ്ടും 40 ദിവസത്തെ ഉപവാസം പ്രഖ്യാപിച്ചു.

” ഉപവാസത്താലും പ്രാർത്ഥനായാലും അല്ലാതെ ഈ ജാതി നീങ്ങിപ്പോകുകയില്ല”.സഭയുടെ വ്യവസ്ഥ തെറ്റിച്ചു നീങ്ങുന്നതിനെ ആരെങ്കിലും ചോദ്യം ചെയ്‌താൽ ഉടനടി ഉപവാസം പ്രഖ്യാപിക്കുന്ന പാസ്റ്റർ ജേക്കബ് ജോണിൻറെ തന്ത്രം വിജയിക്കുമോ ആവോ?. ഉടൻ തന്നെ കുമ്പനാട് ഹെബ്രോൻ പുരത്തു കുടിൽ ഉയരും . എയർ കണ്ടീഷൻ ചെയ്ത പ്രാർത്ഥനാ ഹാൾ ഉള്ളപ്പോൾ ഈ കൂടാരപ്പെരുന്നാൽ ആഘോഷിക്കുന്നതെന്തിന്?. പ്രാർത്ഥനയെ ഒരിക്കലും എതിർക്കുകയല്ല, പ്രാർത്ഥന നടക്കണം.അതുകൊണ്ടു തെറ്റുകൾ ശരിയാകണമെന്നില്ല . പാപം പെരുകുമ്പോൾ ഉപവാസം നടക്കണം . പാപികൾക്ക് മാനസാന്തിരമുണ്ടാകും . പാപികൾ താന്താൻറെ   ദുർമാർഗ്ഗങ്ങളെ വിട്ടു ദൈവത്തിങ്കലേക്കു തിരിയും.അല്ലാതെ പ്രസിഡണ്ട് എന്ന നിലയിൽ ഭരണഘടന ലംഘിച്ചു നിയമനങ്ങളും കൂടാതെ ദൈവസഭയുടെ സാമ്പത്തികരംഗം കടക്കെണിയിലാക്കിയിട്ടു പ്രാർത്ഥന നടത്തിയാൽ ഒരു പക്ഷെ സാമ്പത്തിക രംഗത്തു ആരെങ്കിലും മനസുതുറന്നാൽ കടബാധ്യത തീരും. എന്നാൽ നിയമലംഘനം നടത്തിയതിനോ?.ദൈവം തുണ നിൽക്കുമോ?

യിശ്രയേയേൽ ജനം വഴിതെറ്റിപ്പോയപ്പോൾ ഭയത്തിനുവേണ്ടിയും ദൈവത്തിൽ നിന്നകലാതിരിക്കാനും ദൈവം നിയമങ്ങളും ചട്ടങ്ങളും കല്പനകളും കൊടുത്തു . അതനുസരിക്കാത്തവർക്കുള്ള ശിക്ഷയും നിയമമായി കൊടുത്തു . അത് ദൈവീക പ്രമാണമാണ്. റോമാ ലേഖനത്തിൽ അധികാരങ്ങൾക്കു കീഴ്പ്പെടണം എന്ന് പറയുന്നു. അധികാരികൾക്കല്ല . അധികാരങ്ങൾക്ക് . അതിൻറെയർത്ഥം കീഴ്പ്പെടേണ്ടത്  അധികാരങ്ങൾക്കാണ്. അതായത് നിയമങ്ങൾക്ക് . അധികാരികൾ എല്ലാവരും നിയമപാലക്കാരല്ല . അങ്ങനെയുള്ളവരെ അഴിമതിക്കാർ എന്നും ക്രമക്കേട് നടത്തുന്നവർ എന്നും പറയും.. നിയമം പാലിക്കുന്നവർ മാത്രമേ നിയമപാലകരായിട്ടുള്ളൂ

ഐപിസി എന്ന സംഘടനയുടെ അധികാരികൾ എന്ന് പറയുന്നത് നിയമ പാലകരാണ് . ഐപിസിയുടെ നിയമപാലകർ . അതായത്  ഐപിസിയുടെ  ഒരു നിയമപുസ്തകമാണ്ഭരണഘടന . അത് പാലിക്കപ്പെടണം. ഐപിസിയുടെ ഭരണഘടന ലംഘിച്ചാൽ ശിക്ഷിക്കപ്പെടും എന്ന വ്യവസ്ഥ ഭരണഘടനയിൽ ഇല്ല. യിശ്രയേയേലിനു കൊടുത്ത നിയമവ്യവസ്ഥയിൽ നിയമം ലംഘിക്കുന്നവർക്ക് ശിക്ഷയും പറഞ്ഞിട്ടുണ്ട്. എന്നാൽ ഐപിസിയുടെ ഭരണഘടനയിൽ ശിക്ഷ പറഞ്ഞിട്ടില്ല. ഉണ്ടെങ്കിൽ തന്നെ ദയ ദാക്ഷിണ്യം എന്നിവയുടെ അടിസ്ഥാനത്തിലായിരിക്കണം എന്ന് പറയുന്നു. പുറത്താക്കൽ എന്ന നിയമവ്യവസ്ഥ പറഞ്ഞിട്ടില്ല സസ്‌പെൻഷൻ എന്നതും പറഞ്ഞിട്ടില്ല, ഇംഗ്ലീഷിലോ മലയാളത്തിലോ അത് പ്രതിപാദിച്ചിട്ടില്ല .

എന്നാൽ പ്രസിഡണ്ട് ഭരണഘടയുടെ സൂക്ഷിപ്പുകാരനും പാലകനും ആയിരിക്കണമെന്നും ഭരണഘടനയ്ക്ക് വിധേയരായിട്ടുള്ളവർ ഇത് ലംഘിക്കുന്നുണ്ടോ എന്ന് ശ്രദ്ധിക്കേണ്ട ചുമതലയും പ്രസിഡന്റിനാണ് . എന്നാൽ നിർഭാഗ്യമെന്നു പറയട്ടെ നമ്മുടെയിടയിൽ ഭരണഘടന ലംഘിക്കുന്നത് പ്രസിഡണ്ടാണ്. നിയമം പാലിക്കണമെന്നും ന്യായപ്രമാണവും ശ്രേഷ്ഠ അധികാരങ്ങൾക്കു കീഴ്പ്പെടണമെന്നു പൗലോസും സഭകളോട്പറയുമ്പോൾ അത് അംഗീകരിക്കണമെന്നാണ് വ്യവസ്ഥ. അത് ലംഘിച്ചു മുന്നോട്ടുപോയിട്ടു പ്രാർത്ഥിച്ചാൽ  നിയമം നൽകിയ ദൈവം പ്രാർത്ഥന കേൾക്കുമോ?. പൗലോസിൻറെ വാക്കുകൾ ദൈവത്തിൻറെ വാക്കുകളായി എണ്ണിക്കൂടെയോ?.

ആയതുകൊണ്ട് നിയമവിരുദ്ധമായി നടത്തിയ എല്ലാറ്റിനും പരിഹാരം വരുത്തുകയും . ഐപിസിയുടെ ഭരണഘടന ലംഘിച്ചു നൽകിയ എല്ലാ പദവികളും റദ്ദു ചെയ്തിട്ട് മാത്രമേ ഉപവാസത്തിനു മുതിരാവൂ. ഇല്ലെങ്കിൽ ദൈവം പ്രസാദിക്കുന്ന ഉപവാസമയി  ഭവിക്കയില്ല. ഉപവാസം കുഞ്ഞുകളിയല്ല . ഐപിസിയിലെ ജനത്തിൻറെ  കണ്ണിൽ പൊടിയിടാൻ ഇപ്രകാരമുള്ള പൊടിക്കൈകൾ പണ്ടത്തെപ്പോലെ ഫലിക്കയില്ല. . ആസ്‌ട്രേലിയയിൽ റീജിയൻ കൊടുക്കാൻ വച്ച മാനദണ്ഡങ്ങൾ അന്നത്തെ കൗൺസിലിലും അംഗമായിരുന്ന പാസ്റ്റർ ജേക്കബ്  ജോൺ കണ്ടതല്ലേ? .വെസ്റ്റ് ബംഗാൾ സ്റ്റേറ്റായി അംഗീകരിക്കുന്നതിന് സഭകളുടെ എണ്ണം ചിട്ടപ്പെടുത്തിയത്, കണ്ടതല്ലേ ?. അങ്ങയുടെ ഭരണത്തിൽ എന്തൊക്കെയാ കാണിച്ചത്?. ഇതൊക്കെ സഭ അംഗീകരിക്കണമെന്നാണോ പറയുന്നത്? കുഞ്ഞു ജനിക്കുന്നതിനു മുമ്പ് കല്യാണം കഴിപ്പിച്ചു വിട്ട പ്രവണതയല്ല കാണിച്ചത്. ജനറൽ കൗൺസിലിൽ ചിലർക്ക് പ്രവേശനം കൊടുക്കാൻ എടുത്ത തീരുമാനം . സഭാ കീഴ്വഴക്കങ്ങൾക്കു എതിരല്ലേ കാണിച്ചത്?.  ബൈബിൾ കോളജിൽ പഠിക്കാൻ വരുന്നതിനു മുമ്പ് ബിരുദ ദാനം നടത്തിയതുപോലെയല്ലേ കാര്യങ്ങൾ ചെയ്തത്.

സഭയുടെ മുഴുവൻ ശുശ്രൂഷകന്മാരെയും ജനറൽ കൗൺസിലിൽ അംഗങ്ങളാക്കുന്ന ഒരു പരിഷ്കാരത്തെക്കുറിച്ചു അങ്ങ് എത്രയും വേഗം ചിന്തിക്കണം. തെറ്റുകൾ കുന്നുകൂടിക്കൊണ്ടിരിക്കുന്ന ഭരണം നയിക്കുകയും ആരെങ്കിലും എന്തെങ്കിലും ചോദിച്ചാൽ ഉടനടി ഉപവാസം പ്രഖ്യാപിക്കുകയും ചെയ്യുന്നത്  ഹൃദയങ്ങളെ തൂക്കി നോക്കുന്ന ദൈവം കാണുന്നുണ്ടെന്നും  അറിയണം.  . പതിനഞ്ചാം  സങ്കീർത്തനം വായിച്ചിട്ട് ഉപവാസം പ്രഖ്യാപിക്കാവൂ.  ഇരുമ്പുലക്ക വിഴുങ്ങിയിട്ടു ചുക്കുകാഷായം കുടിക്കരുത്. പാസ്റ്റർ ജേക്കബ് ജോൺ ശപിക്കുന്നതൊക്കെ പാലിക്കുമെന്ന് വിശ്വാസം  ആർക്കും വേണ്ടാ . ഒരു സംഭവ കാര്യം പറയാം.

ആദ്യമായി പാസ്റ്റർ ജേക്കബ് ജോണ് ഭരണം  ഏറ്റതിനുശേഷം 40  ദിവസത്തെ ഉപവാസ പ്രാർത്ഥന ഹെബ്രോൻപുരത്തുനടന്നു . അതിൻറെ  സമാപനത്തോടടുക്കുമ്പോൾ കെ പി കുര്യന് പ്രസംഗിക്കുവാൻ പാസ്റ്റർ  ജേക്കബ് ജോൺ പ്രോഗ്രാം ഇട്ടു . അതിനെതിരായി ചിലർ കുന്നോട്ടു വന്നു . അതിൽ ബ്രദർ സുധി കല്ലുങ്കലും ഉണ്ടായിരുന്നു. കെ പി കുര്യൻറെ  പ്രസംഗത്തിനുശേഷം പഴയ സ്റ്റേജിൻറെ പുറകിൽ വച്ച് പാസ്റ്റർ ജേക്കബ് ജോണും ബ്രദർ സുധി കല്ലുങ്കലും തമ്മിൽ ഈ വിഷയത്തിൽ രൂക്ഷമായ വാക്കുതർക്കമുണ്ടായി.  പാസ്റ്റർ ജേക്കബ് ജോൺ കോപാകുലനായി സുധിയേയും അദ്ദേഹത്തിന്റെ  ബിസിനസിനെയും ശപിച്ചു. നിന്റെ പണികൾ മുഴുവനും ഞാൻ ബന്ധിക്കുന്നു എന്ന് പറഞ്ഞു പോയി. ഇതുനു സാക്ഷികൾ പലരുണ്ട്, പ്രബോധനം പത്രാധിപർ ആയിരുന്നു അന്നത്തെ പ്രോഗ്രാം കോർഡിനേറ്റ് ചെയ്യുന്നതിൻറെ  പരിപൂർണ്ണ ചുമതല. ഈ വിഷാറ്റർരഹിന് ദൃക്‌സാക്ഷിയാണ്. എന്നാൽ അന്ന് മുതൽ സുധിക്ക് നല്ല ചാകരയാണ് . മാത്രമല്ല പ്രസിഡണ്ട് തന്നെ കുമ്പനാട്ടുള്ള പണിയും സുധിക്ക് നൽകി. അതുകൊണ്ടു ഒരു കാര്യം വ്യക്തമായി ഈ ശാപമൊന്നും അത്ര ഫലിക്കുകയില്ല. അതൊന്നും ദൈവം അംഗീകരിക്കുന്നില്ല

”അപ്പോസ്തോലന്മാരല്ലാതിരിക്കെ അപ്പോസ്തോലന്മാർ എന്ന് പറഞ്ഞ ചിലരെ പരിശോധിച്ച് കള്ളന്മാർ എന്ന് കണ്ടത് ”വെളിപ്പാടുപുസ്തകത്തിൽ എഴുതിയിരിക്കുന്നതുപോലെ ഇന്നും മനസിലാക്കാനും വിവേചിക്കാനും മനസിലാക്കാനും കഴിവുള്ള ദൈവദാസന്മാരും ദൈവമക്കളും പഴയകാല ദൈവസഭയിൽ ഉണ്ടായിരുന്നതുപോലെ ഈ കാലഘട്ടത്തിലും ഉണ്ട് . പ്രത്യേകാൽ ഐപിസിയിലും ഇന്ന് ഉണ്ടെന്നുള്ള കാര്യം മറക്കരുത്

 

ഐപിസി കേരളാ സ്റ്റേറ്റിൽവിലക്കയറ്റം വ്യാപകമാക്കി ! പ്രതിഷേധം പുകയുന്നു

ഐപിസി കേരളാ സ്റ്റേറ്റിൽ ശുശ്രൂഷകന്മാർക്കു വിലക്കയറ്റം വ്യാപകമായി. ശുശ്രൂഷകന്മാരുടെ വിലയല്ല . അടിച്ചേൽപ്പിക്കുന്ന ആവശ്യങ്ങൾക്കു വിലവർദ്ധന പ്രാബല്യത്തിൽ വന്നു. ശുശ്രൂഷകന്മാരെ വിരട്ടുന്നു വിദ്യയാണ് സ്റ്റേറ്റ് സെക്രട്ടറി ചെയ്യുന്നതെന്ന് ആക്ഷേപമുണ്ട്. പ്രസ്താവിക്കപ്പെടുന്ന മീറ്റിങ്ങുകളിൽ വന്നില്ലെങ്കിൽ ഡിജിറ്റൽ സംവിധാനത്തിലൂടെ നടപടിയുണ്ടാകുമെന്ന വിദ്യയാണ് പ്രചാരമാകുന്നത്. ഇതിൽ പല ശുശ്രൂഷകന്മാരും അതൃപ്തി രേഖപ്പെടുത്തിത്തുടങ്ങി . ദൈവസ്നേഹത്തിലും തന്നെക്കാൾ സ്രേഷ്ടൻ എന്ന് മറ്റുള്ളവരെ കാണാനുള്ള കാഴ്ചപ്പാട് നേതാക്കന്മാർക്കും ഉണ്ടാകണമെന്നും മാത്രമല്ല നേതാക്കന്മാരുടെ സൗകര്യം നോക്കി പ്രോഗ്രാം ക്രമീകരിക്കുകയും മറ്റുള്ളവരുടെ സൗകര്യത്തിനു വിലയില്ലാതാക്കുകയുമാണന്നു പറയപ്പെടുന്നു

ശുശ്രൂഷകന്മാരുടെ ഐഡികാർഡ് ഡിജിറ്റൽ എന്ന പേരിലാക്കി ഓരോ കാർഡിനും അഞ്ഞൂറ് രൂപാ വീതം ഈടാക്കുന്ന പ്രവണത അശാസ്ത്രീയമാണെന്നും  ഇരുപതു രൂപയിൽ താഴെ മാത്രം നിർമ്മാണച്ചിലവുള്ള കാർഡിനാണ് അഞ്ഞൂറ് രൂപ ഇടാക്കുന്നതെന്നു പറയപ്പെടുന്നു. മൂന്നു വര്ഷത്തിലൊരിക്കലാണ് ഒരു ശുശ്രൂഷകന് സ്ഥലം മാറ്റമുള്ളതു . അങ്ങാണെങ്കിൽ മൂന്നു വർഷത്തിലൊരിക്കൽ ഒരു കാർഡ് . വില ഇരുപതു രൂപ . ഈ കാർഡുകൊണ്ട് ഐപിസിയിൽ വോട്ടിടാൻ നേരം കൊണ്ടുവരാം എന്നൊതൊഴിച്ചാൽ മറ്റെങ്ങും കാണിക്കാൻ കൊള്ളുകയില്ല. കാരണം നമ്മുടെ സംഘടനയെ സർക്കാർ  അംഗീകരിച്ചിട്ടില്ല . അതുകൊണ്ടു അതിൻറെ  ഐഡി കാർഡിനും സഭയ്ക്ക് പുറത്തു വിലയില്ല. പിന്നെ ഇതിൻറെ  പേരിൽ നല്ല തുക സഭയുടെ ഖജനാവിൽ വരുമെന്ന് മാത്രം.

ഓർഡിനേഷൻ സർട്ടിഫിക്കറ്റിന്‌ ആയിരം രൂപവുമുതൽ മേലോട്ട് . സഭയെ ശുശ്രൂഷിച്ചതിനാൽ ലഭിക്കുന്ന അംഗീകാരത്തിൻറെ  തുണ്ടു കടലാസിനാണ് ആയിരം രൂപാ വാങ്ങുന്നതെന്നും ചിലർ പറയുന്നു. നേരത്തെ ഇല്ലാതിരുന്ന വ്യവസ്ഥിതികൾ ഇപ്പോൾ അടിച്ചേൽപ്പിക്കുക വഴി മലബാറിലും വരുമാനം കുറഞ്ഞ സഭകളിൽ ശുശ്രൂഷിക്കുന്ന ശുശ്രൂഷകന്മാർക്കു ലഭിച്ച ഇരുട്ടടി ആണെന്നും പറയുന്നു.വിദേശയാത്രക്ക് പോകാൻ ഇന്റർവ്യൂവിനു പോകാൻ തന്നെ പണം കടം വാങ്ങിയൊക്കെയാണ് പലരും ആവശ്യങ്ങൾക്ക് പോകുന്നത്. അതിനു അവധി ലെറ്റർ ലഭിക്കണമെങ്കിൽ രണ്ടായിരം മുതൽ മുകളിലോട്ടു എത്രവേണമെങ്കിലും കൊടുക്കാം . തൊട്ടാൽ പൊള്ളുന്ന ഫീസുമായാണ് പുതിയ സെക്രട്ടറിയുടെ ഡിജിറ്റൽ മുന്നേറ്റമെന്നു പറയപ്പെടുന്നു.

ഈ വിധ ഫീസുകൾ വാങ്ങി ഇപ്പോൾ നിയമിച്ച സെക്രട്ടറിയുടെ മാനേജർ അളിയന് ശമ്പളം നേരത്തെ ഇരുന്ന മാനേജരുടെ ശമ്പളത്തിൻറെ നൂറ്റമ്പതു ശതമാനം വർദ്ധനവാണ് കൊടുക്കുന്നത്. അതായത് ഇരുപത്തിയയ്യായിരം  രൂപ . ഇത് പാവപ്പെട്ട ദൈവദാസന്മാരുടെ പണമാണ്. നേരത്തെ ഇരുന്ന മാനേജർ കൂടിനു പുറത്തിരിക്കുമ്പോൾ പതിനായിരം രൂപാ ശമ്പളം മാത്രമായിരുന്നു കൊടുത്തിരുന്നത് .അളിയൻ മാനേജർക്ക് കൂടുകെട്ടിക്കൊടുത്തു അതിലിരിക്കുമ്പോൾ രൂപ ഇരുപത്തി അയ്യായിരം എന്ന് പറഞ്ഞു പരിതപിക്കുന്ന ശുശ്രൂഷകർ ഓഫീസിൽ വരുന്നവരിൽ കാണാം .മാത്രമല്ല ഇദ്ദേഹം കൂട്ടിൽ കയറിയാൽ വീട്ടിൽ പോകാൻ മാത്രമേ അവിടെ നിന്നും ഇറങ്ങുകയുള്ളുവെന്നും പറയപ്പെടുന്നു. ഏറ്റവും അധികം തലക്കനം ഉള്ള മാനേജർ എന്ന പേരും ഇദ്ദേഹത്തിന് ലഭിച്ചു കഴിഞ്ഞു. ഇത് ഐപിസിയാണ് ഇവിടെ വില ശുശ്രൂഷകന്മാർക്കാണ് .

ഇന്നുമുതൽ പുതിയ അഡ്മിനിസ്ട്രേറ്ററും ചാർജ്ജെടുത്തു .കംപാഷൻ പ്രൊജക്റ്റ്‌ സർക്കാർ നിർത്തൽ ചെയ്തതിനാൽ മാരാമൺ പ്രൊജക്റ്റിലെ മാനേജരെയാണ് സ്റ്റേറ്റ് സെക്രട്ടറി ഐപിസിയുടെ ഓഫീസിൽ അഡ്മിനിസ്ട്രേറ്ററായി നിയമിച്ചത്. ഇത് ശരിയായ നടപടിയല്ലഎന്നും അഭിപ്രായമുണ്ട് . ഐപിസിയുടെ ചുമതലയിൽ നടത്തപ്പെട്ട എട്ടു കംപാഷൻ പ്രോജക്റ്റുകൾ ഉണ്ട് . അവിടെയുണ്ടായിരുന്നവർക്കും ഈ വിധത്തിൽ ഓഫീസിൽ ജോലി കൊടുക്കണം . അതാണ് നീതിയെന്നും അഭിപ്രായപ്പെടുന്നവരുണ്ട്. തന്നോടൊപ്പം നിന്നവരുടെ ജോലികൾ ഇല്ലാതെയായപ്പോൾ പകരം ഐപിസിയുടെ ഓഫീസിൽ ജോലി കൊടുക്കുന്നതും ശുശ്രൂഷകന്മാരുടെ അവകാശങ്ങൾക്കു വിലക്കയറ്റം നടത്തി ഈ വിധരീതിയിൽ ശമ്പളം കൊടുക്കുന്നതും വിമർശിക്കപ്പെടുന്നു.ഒരു നേതാവും തങ്ങളുടെ സ്വന്തക്കാരെയും അടുത്തയാളുകളെയും ഇങ്ങനെ നിയമിക്കുന്നത് രാഷ്ട്രീയത്തിൽപോലും കാണുന്നില്ലെന്നാണ് ശുശ്രൂഷകന്മാരുടെ വാദം. ഈ വിഷയത്തിൽ കടുത്ത അമര്ഷത്തിലാണ് പലരുമെന്നു ഞങ്ങളുടെ അന്വേഷണത്തിൽ തെളിഞ്ഞു.

സഭാതലത്തിൽ നിന്നും പരാതികളുമായി വരുന്നവർക്ക് ശരിയായ നീതി ലഭിക്കുന്നില്ലെന്നും പ്രസിഡണ്ടും മറ്റു ഭാരവാഹികളേയും  വെറും നോക്കുകുത്തിയയാക്കിയിരുത്തി സ്റ്റേറ്റ് സെക്രട്ടറി ഒറ്റയ്ക്ക് ഇവരുടെയെല്ലാം ജോലി തനിയെ ചെയ്തു തീരുമാനം എടുക്കയാണെന്നും സൗമ്യമായി ഒരു മറുപടിയും ലഭിക്കുന്നില്ലെന്നും ഏകാധിപത്യ പ്രവണത നടത്തുകയാണെന്നും ആക്ഷേപിക്കപ്പെടുന്നു. ഒരു വാക്കു ഒരു തീരുമാനം എന്ന നിലയിലാണ് കാര്യങ്ങൾ പോകുന്നതെന്നും അതുനിമിത്തം പരാതിക്കാരും നീതിക്കുവേണ്ടി വരുന്നവർക്ക് ശരിയായ മറുപടി ലഭിക്കുന്നില്ലെന്നും പരാതി ഉയരുന്നു. ചില പക്ഷത്തേക്കുള്ള ചായ്‌വ് പ്രകടമാണെന്നും ശുശ്രൂഷകന്മാരെ ഭയപ്പെടുത്തി കാര്യങ്ങൾ നീക്കുന്നുവെന്നും വ്യാപകമായ പരാതിയുണ്ട്. തെറ്റുകളെ ചൂണ്ടിക്കാണിച്ചുകൊണ്ടിരിക്കുന്ന പ്രബോധനം ഭരണക്കാരുടെ ചട്ടുകമാണെന്നും ചിലർ ആക്ഷേപിക്കുവാൻ മറന്നില്ല. കാര്യം അറിയാതെ പ്രതികരിക്കയാണവർ. മെയ് ഒമ്പതിന് വാർഷികം ആഘോഷിച്ച കേരളാസംസ്ഥാനഘടകം പരാതികൾ ഇല്ലാത്ത ഭരണം കാഴ്ചവയ്ക്കുന്നത് നല്ലതാണ്. ശുശ്രൂഷകന്മാർ ഉന്നയിക്കുന്ന ആരോപണത്തിൽ കഴമ്പുണ്ട്. ” സക്കായി യേശുവിനെ കണ്ടപ്പോൾ പരഞ്ഞതു വല്ലതും ചതിവായി വാങ്ങിയിട്ടുള്ളത് നാലിരട്ടിയായി മടക്കിക്കൊടുത്തുകൊള്ളാം ” എന്നാണു. അങ്ങാണെങ്കിൽ നിരക്കുകൾ ഉദാരമാക്കുക അതാണനമുക്ക് നല്ലതു. വെറുതെ പുത്തരിയിൽ കല്ല് കടിക്കണ്ടാ. ഇത് ജനത്തിൻറെ  പ്രതികരണം പ്രബോധനം പങ്കു വച്ചുവെന്നേയുള്ളൂ. പ്രബോധനത്തിന്  ബിവാക്കുകൾ പിന്നാലെ

പി വൈ പി എ സംസ്ഥാന സമിതിയുടെ തീരുമാനം പക്വതയില്ലാത്തത് ! യുവജനങ്ങൾ തള്ളിക്കളയും

പി വൈ പി എ യുടെ ഏതെങ്കിലും ഭാരവാഹികളായവർ മറ്റേതെങ്കിലും പെന്തക്കോസ്തു യുവജനസംഘടനയുടെ ഭാരവാഹികളായാൽ  അവരുടെ അംഗത്വം റദ്ദു ചെയ്യുന്ന നവീന തീരുമാനം യുവജങ്ങൾക്കിടയിൽ പ്രത്യാഘാതങ്ങളുണ്ടാക്കും . ലോക്കൽ, സെന്റർ മേഖല, സംസ്ഥാന സമതികളിലെ ഭാരവാഹികൾക്കാണ് വിലക്ക് വരുന്നത് . അടുത്ത പതിനച്ചു ദിവസത്തിനുള്ളിൽ പി വൈ പി എ മാത്രം നമസ്കരിശില്ലെങ്കിൽ അവരെ കഴുമരത്തിൽ തൂക്കുന്നതാണ്പോലും. പാപം ചെയ്യുന്നവരെയും വഷളത്തരം പ്രവർത്തിക്കുന്നവരെയും ഒഴിവാക്കാൻ തീരുമാനം എടുക്കുന്നതിനു പകരം ഇങ്ങനെ ഒരു നിയമം കൊണ്ട് വന്നാൽ പിള്ളേർ പ്രതികരിക്കുമെന്നതിനു സംശയം വേണ്ടാ.

യു പി എഫ് പോലുള്ള യുവജനസംഘടനകൾ വളരെ പ്രയോജനം ചെയ്യുന്നതാണ്. പി വൈ പി എ യിൽ ഭാരവാഹികളായവർ ഇങ്ങനെയുള്ള സമൂഹത്തിൽ നിന്നും ഭാരവാഹികളാകാതെ ഒഴിഞ്ഞു നിന്നാൽ മറ്റുള്ളവർക്ക് അവസരം കിട്ടുമല്ലോ എന്ന ചിന്തയല്ല  ഇതിൻറെ  പിന്നിലുള്ളത് പിന്നയോ ഇവിടെവല്യേട്ടനായി ഞങ്ങൾ ഇരിക്കുമ്പോൾ നിങ്ങൾ ഞങ്ങളുടെ പിള്ളാരെ വാഴണ്ടാ എന്ന യാക്കൂബിന്റെ  മക്കളുടെ തന്ത്രം സ്വന്തം സഹോദരനായ യോസേഫിനോട് കാണിച്ചതും പറഞ്ഞതും പോലെ മാത്രമേ ഇതിനെ കാണാൻ കഴികയുള്ളൂ . ഇപ്പോൾ ഇങ്ങനെയൊരു തീരുമാനം എടുത്തതിനൻറെ   പിന്നിലും ചില നാണം കെട്ട ലക്ഷ്യങ്ങളുണ്ട്. ഇതൊന്നും യുവജനങ്ങൾ ഏറ്റെടുക്കില്ല. സംസ്ഥാനഘടകത്തിനു വോട്ടുചെയ്യാൻ ഇനി ലോക്കൽ സെൻറർ തലങ്ങളിലുള്ളവർ തീരുമാനിച്ചാൽ നേതാക്കളാകാൻ ഇരിക്കുന്നവരുടെ നില ഒന്ന് ചിന്തിച്ചു നോക്കുക.

സോദരീമാർക്ക്  പെന്തക്കോസ്തു വുമൺസ് ഫെല്ലോഷിപ് നിലവിലുണ്ട്. യുവജനങ്ങളിലും വെവ്വേറെ പ്രവർത്തനങ്ങളുണ്ട്. ഇതെല്ലാം ഉപദേശ ഐഖ്യമുള്ള സ്വഭാവം ആണെങ്കിൽ തടയിടേണ്ട ആവശ്യമില്ല. യുവജനങ്ങളിൽ സഭാരാഷ്ട്രീയം കുത്തിവയ്ക്കുന്ന ഇത്തരം തീരുമാനങ്ങൾ ആരോഗ്യകരമല്ലാത്ത പ്രത്യാഘാതങ്ങൾ ഉണ്ടാകും. നമ്മുടെ കൺവൻഷൻ പാസ്റ്ററന്മാരും ഐപിസിയുടെ വേദികളിൽ മാത്രമേ പ്രസംഗിക്കാൻ പോകാവൂ. മാത്രമല്ല ഏതെങ്കിലും രാഷ്ട്രീയ പാർട്ടികളുടെ ചായവിൽ നിൽക്കുന്ന പി വൈ പി എ അംഗങ്ങൾ യാതൊരു കാരണവശാലും ഇങ്ങനെയുള്ള ആത്മീയ സംഘടനയുടെ ഭാരവാഹി ആകാനും പാടില്ല. മാറ്റുക ഈ ചട്ടങ്ങളെ . യുവജനങ്ങളെ സമൂഹത്തിന്റെ നല്ല ആശ്യക്കാരാകാൻ പഠിപ്പിക്കുക ” സേവനത്തിനായി രക്ഷിക്കപ്പെട്ടവരാണ് പി വൈ പി എ ക്കാർ . അത് പി വൈ പി എ യെ സേവിക്കാനോ അതോ ദൈവത്തെ സേവിക്കാനോ?പി വൈ പി എ ക്കാർ പറയട്ടെ

1